O e i totonu o Samoa?
Lafo mai tou tala, ata ma lipine pu`e
Mulimuli mai i le
Twitter
APIA – Na toetoe ina tutulu le Palemia a Samoa Afioga Tuilaepa Lupesoliai Sailele Malielegaoi i le po anapo a o fai lana saunoaga i le atunuu.
Click here for the English version of this story
"Ua gagana le matagi, ua malele le eleele i le lotomomoia, ua taape galu ma lona toasa," alagaupu a le atunuu na saunoa i ai le Afioga a Tuilaepa.
I lana faalaeiau muamua i le atunuu na manino le saunoaga i le Afioga a Tuilaepa peitai e itiiti se taimi na silasila sa`o i mea pu`e ata, ua manino lelei ai lona faanoanoa ma lona mafatia.
E saunoa le Afioga a Tuilaepa ua toa 110 ua maliliu ae 145 ua manunu`a i lena lava taimi.
"O lo`o galulue pea Leoleo, le `aufaigaluega a le Malo ma tagata galulue ofo fua i le tau sailia o uo ma aiga ua le iloaina," pei ona ia saunoa i ai.
O nei i le aso na asiasi atu i ai Minisita a le Kapeneta i nu`u tu matafaga i le itu sauté sasae o Upolu ma le motu o Manono ina ia maua ai se fua o le tulaga ua o`o i ai fanua na faatamaia faapea ma e na maliliu.
Na saunoa faafetai foi le Palemia i Faapotopotoga Tumaoti, o tagata galulue ofo fua, o pisinisi ma latou o fesoasoani i le aufaigaluega lavea`i i faalavelave faafuase`i.
"Ou te faailoa atu faapitoa le Au-faasalalau mai le Vao o Malo ae maise foi le Au-faasalalau mo tala i Vai Fanua ma tala fou a le atunuu, aua ana leai le latou fesoasoani, se man? ua l? o silafia e le toatele lenei faalavelave ogaoga.
Ua tele le fesoasoani ua mauaina mai atunuu i fafo e le gata i le fesoasoani tau- tupe ae faapena foi i le agalelei faatinoina e auala mai i Ofisa Komesina Maualuga ma Ofisa Amupasa pei o Ausetalia, Niu Sila, Iunaite Setete o Amerika, Siamani, Saina, Tokelau, ma le toatele o isi atunuu, faatasi ai ma Faapotopotoga i totonu o Samoa lava ia, pei o faapotopotoga o Lotu, vaega o Pisinisi, Faapotopotoga Tumaoti, ma Tagata Ta`itoatasi.
O lo`o pulea le momoliina atu o fesoasoani faavave e ala i fale ie, tapoleni, mea taumafa, lavalava ma vai-taumafa e le Komiti Faufautua o Faalavalave Maoa'e (Disaster Advisory Committee) i lalo o le pulega a le Fono mo Faalavelave Maoa'e i Vaifanua (National Disaster Council).
O le talafuaina faataitai a le Komiti Faufautua o Faalavelave Maoa`e e tusa ma le $96 miliona tala le tau mo le toe faafoiina i le tulaga sa i ai.
Na faamaeaina le saunoaga i le Afioga a Tuilaepa i le talosagaina mo le nofo tatalo ai, ae maise lava i Ta'ita'i o Ekalesia.
"E faamulimuli la`u faafetai i a i latou o alala i nu`u ua aafia, o lo outou lototetele ma le faamalosi ua faaeaea ai le atunuu."
I le gagana faatam?lii na saunoa ai le Afioga a Tuilaepa ona o le malosi o galuega tetele faa-natura ma tagisia ai faamanuiaga mai le Atua.
O le aso, o le a malaga faatasi ai ma Minisita o le Kapeneta mo Savaii.
How you can help
Pacific Cooperation Foundation
Deposits can be made at at any Westpac branch. All the money raised will go to the Samoan Government
Red Cross
- Make a secure online donation at redcross.org.nz
- Send cheques to the Samoan Red Cross Fund, PO Box 12140, Thorndon, Wellington 6144
- Call 0900 31 100 to make an automatic $20 donation
- Make a donation at any NZ Red Cross office
ANZ bank
Make a donation at any ANZ bank branch, or donate directly to the ANZ appeal account: 01 1839 0143546 00
Oxfam
- Make a secure online donation at
Oxfam.org.nz
- Phone 0800 400 666 or make an automatic $20 donation by calling 0900 600 20
